Hym UCDICD

Ozalantou lane 88 al 89 yo nou te mete sou pye you òganizasyon pou ini pèp Lakolin pou n pran chimen devlopman ki te rele " Union des Collinois pour le Développement de l'Industrie, de la Culture et de la Démocratie (UCDICD)". OCADH nan objektif li gen anpil resanblans ak UCDICD. Mwen te ekri hym UCD ke m gen plèsi pataje ak OCADH.

Hym UCDICD -  Pran chimen devlopman nou déside Nou menm nan UCDICD Nan tèt ansanm nou déside travay Pou nou chanje vizaj lakay. Pèsonn pap pèdi, nou tout ap genyen, Si nou tout mache men dan la men.{ bis}  Wi se vre nou konnen chaj la lou. You sel dwet pa manje kalalou. Se pou sa pou pran you angajman: Tèt ansanm pou n travay pou chanjman. Pèsonn pap pèdi, nou tout ap genyen, Si nou tout mache men dan la men. {bis} III Gad kòman Lakolin ap souri! Paske l wè pitit li yo reyini Pou chèche chimen devlopman. Li souri, m'wè tout dan l? Kè l kontan. Paske l gen espwa ke sa pral chanje. Kote k'gen inyon pa gen twòp danje. {Bis} IV An avan, an avan kolinwa! Ann sispann fè politik fè nwa. Ann limen pito you ti chandel. Na va wè kòman Lakolin va bel. Lè nou nou va mache men dan la men La hèn va fè plas pou renmen. {Bis}

Me. Calixte BOSSÉ. Mars 1989